STORI KUBWA MBILI LEO MEI MOSI KUHUSU MATOKEO YA SIMBA NA HABARI YA YANGA DHIDI YA SAGRADA..

SIMBA SC imelazimisha sare ya bila kufungana na Azam FC katika mchezo wa Ligi Kuu ya Vodacom Tanzania Bara jioni ya leo Uwanja wa Taifa, Dar es Salaam.

Matokeo hayo yatapokewa kwa furaha na mahasimu, Yanga ambao sasa wanaongoza Ligi Kuu kwa wastani wa pointi sita kuelekea mechi nne za mwisho.

Kwa sare hiyo ya 0-0, Azam FC inafikisha pointi 59, wakati Simba sasa inakuwa na pointi 58, nyuma ya mabingwa watetezi, Yanga wenye pointi 65 baada ya timu zote kucheza mechi 26.

Katika mchezo huo uliochezeshwa na refa Mathew Akrama wa Mwanza, aliyesaidiwa na washika vibendera Abdallah Mrisho wa Pwani na Omar Kambangwa wa Dar es Salaam hakukuwa na mashambulizi ya kusisimua na timu zote zilionekana kucheza kwa tahadari kupita kiasi, hivyo kuufanya mchezo upooze.

Lakini kipindi cha pili, kilianza kwa mchezo wa kukamiana na kuchezea rafu na undava, jambo ambalo hata hivyo refa Akrama alilidhibiti kwa busara za kuwatuliza wachezaji wa timu zote mbili kwa kuzungumza nao.

 

Baada ya hapo, kidogo mchezo wenye hadhi ya timu kubwa katika Ligi Kuu ya nchi, tena zinazowania ubingwa ndiyo ukaanza kuonekana kwa mshambulizi ya pande zote mbili.

Nahodha wa Azam FC, John Bocco peke yake akakosa mabao mawili ya wazi na kushika kichwa kwa masikitiko, wakati upande wa Simba Hamisi Kiiza na Hajji Ugando walipoteza pia nafasi za wazi.

Kikosi cha Simba SC kilikuwa; Vincent Angban, Emery Nimubona, Mohammed Hussein ‘Tshabalala’, Juuko Murshid/Brian Majwega dk74, Novart Lufunga, Justise Majabvi, Awadh Juma, Jonas Mkude, Hamisi Kiiza, Danny Lyanga/Hajji Ugando dk54 na Peter Mwalyanzi.

Azam FC; Aishi Manula, Erasto Nyoni, Gardiel Michael, Aggrey Morris, David Mwantika, Jean Mugiraneza/Kipre Balou dk76, Ramadhani Singano ‘Messi’/Mudathir Yahya dk46, Salum Abubakar ‘Sure Boy’, Kipre Tchetche/Ame Ali ‘Zungu’ dk65, John Bocco na Khamis Mcha ‘Vialli’.

MSIMAMO WA LIGI KUU YA VODACOM

Rn	Timu	P	W	D	L	F	A	Gd	Pts
1	YANGA	26	20	5	1	61	15	46	65
2	Azam FC	26	17	8	1	43	16	27	59
3	SIMBA SC	26	18	4	4	43	14	29	58
4	MTIBWA SUGAR	27	13	7	7	30	19	11	46
5	T. PRISONS	27	10	12	5	24	22	2	42
6	MWADUI FC	27	10	7	10	27	26	1	37
7	STAND UNITED	26	10	4	12	23	24	-1	34
8	NDANDA FC	27	7	12	8	26	27	-1	33
9	MAJIMAJI FC	27	9	6	12	20	36	-16	33
10	MBEYA CITY	27	8	6	13	28	34	-6	30
11	TOTO AFRICANS	28	7	9	12	26	38	-12	30
12	AFRICAN SPORT	28	7	5	16	12	30	-18	26
13	JKT RUVU	26	6	7	13	25	35	-10	25
14	KAGERA SUGAR	27	6	7	14	19	31	-12	25
15	MGAMBO SHOOTING	27	5	8	14	21	34	-13	23
16	Coastal Union	28	5	7	16	16	38	-22	22

……………………….

                                   STORI YA PILI;

 

MAREFA kutoka nchini Madagascar watachezesha mchezo wa marudiano wa mchujo wa kuwania kucheza hatua ya makundi ya Kombe la Shirikisho Afrika kati Sagrada Esperanca na Yanga SC ya Tanzania Mei 17, mwaka huu Uwanja wa Sagrada Esperanca, zamani Quintalao do Dundo.

 

 

Kwa mujibu wa taarifa ya Shirikisho la Soka Afrika (CAF) marefa hao ni Hamada el Moussa Nampiandraza atakayepuliza filimbi, akisaidiwa na washika vibendera Velomanana Ferdinand Jinoro na Jean Thierry Djaonirina.

Hata hivyo, CAF bado haijateua marefa wa kuchezesha mechi ya kwanza baina ya timu hizo itakayochezwa Uwanja wa Taifa, Dar es Salaam Mei 7. 

 

Yanga imeangukia katika kapu la kuwania kucheza hatua ya makundi ya Shirikisho, baada ya kutolewa na Al Ahly ya Misri katika hatua ya 16 Bora ya Ligi ya Mabingwa Afrika kwa jumla ya mabao 3-2, ikilazimishwa sare ya 1-1 Dar es Salaam na kufungwa 2-1 Alexandria.

Yanga ilianza vizuri tu kwa kuzitoa Cercle de Joachim ya Mauritius kwa jumla ya mabao 3-0, ikishinda 1-0 ugenini na 2-0 nyumbani kabla ya kuitoa na APR ya Rwanda kwa jumla ya mabao 3-2, ikishinda 2-1 Kigali na kutoa sare ya 1-1 Dar es Salaam.

 
Kwa upande wao, Sagrada Esperanca katika Raundi ya Awali waliitoa Ajax Cape Town ya Afrika Kusini kwa jumla ya mabao 3-2 baada ya kufungwa 2-1 ugenini na kushinda 2-0 nyumbani. 

Katika Raundi ya kwanza wakaitoa LD Maputo ya Msumbiji kwa jumla ya mabao 2-1 ikishinda 1-0 nyumbani na kutoa sare ya 1-1 ugenini na kwenda hatua ya 16 Bora, ambako waliitoa V. Club Mokanda ya Kongo kwa jumla ya mabao 4-1 wakishinda 2-1 ugenini na 2-0 nyumbani.

……………………