GARETH Bale amejiandaa kukataa ofa zote za kurejea England na anataka kuendelea kuichezea Real Madrid.
Katika mkataba wake wa miaka sita kama timu inahitaji kumsajili ada ya kumuachia ni zaidi ya paundi milioni 75, lakini gharama hiyo kubwa haijazizuia klabu za Manchester United, Manchester City na Chelsea kuangalia uwezekano wa kumsajili.
Nyota huyo mwenye miaka 25 aliigharimu Real Madrid paundi milioni 86 kutokea Tottenham na wakati huo alikataa kujiunga na Man United.
Hata hivyo siku za karibuni, winga huyo wa Wales amekuwa akikosolewa kwa kiwango chake na ubinafsi anaouonesha.
Wiki hii, Bale anaichezea Wales dhidi ya Israel katika mechi ya kimataifa ya kirafiki iliyopo katika kalenda ya FIFA.
Hakuna maoni:
Chapisha Maoni