Emmanuel Okwi amesema ameamua kuomba
kuichezea Simba baada ya Yanga kumtema katika usajili wa msimu mpya.
Okwi amesema kwamba ameamua
kuomba kurejea Simba akiamini anaweza kuwa na msaada.
“Yanga wameniacha, nikachukua uamuzi wa
kurudi Simba na kuomba kuichezea nao wamenikublia.
“Najua Yanga wamenishitaki TFF au Fifa,
nitaendelea kulishughulikia suala hilo wakati nikiwa naitumikia Simba.
“Nashukuru kwa kuwa wamenipokea kwa mikono
miwili,” alisema Okwi akionyesha kujiamini.
Mwenyekiti wa Kamati ya Usajili ya Simba,
Zacharia Hans Poppe amesema wamemchukua Okwi baada ya kuandika barua kuomba
arudi.
“Tumempokea baada kuipokea barua yake na
kuijadili, kwa kuwa Yanga wamemuacha na hata FIfa inasisitiza wachezaji kupata
nafasi ya kucheza ili kuepusha kuua vipaji vyao, tumeamua kuwa naye,” alisema
Hans Poppe. 
Hakuna maoni:
Chapisha Maoni