Mshambuliaji Leonel Messi
ameshindwa kukanusha kuihama klabu hiyo siku moja huku pia akisisitiza
hana uadui na Cristiano Ronaldo wa Madrid.
Messi ambaye alihusishwa na
kuhamia Chelsea msimu uliopita kwa kile kilichotajwa kutokua na
maelewano mazuri na kocha Luis Enrique, lakini baadaye alitulia na
kufunga magoli 58 huku pia akiisaidia Barcelona kutwaa makombe yote
matatu iliyoshirikimsimu uliopita.
Alipoulizwa kuhusu siku moja
kucheza ligi nyingine, Messi anasema hataki kufikiria mbali zaidi, kwani
kwasasa yuko Barcelona na ndicho anachokiwaza.
Kuhusu kama anashindana na
Ronaldo, Messi anasema yeye hana uadui na Cristiano na anaamini
Cristiano aliyefunga magoli 61 na sasa ndio kinara wa mabao katika
historia ya Madrid hana uadui na hashindani nae.
Messi anasisitiza kuwa hawezi
kufanya mashindano na mtu mwingine na badala yake anajituma kusaidia
kuzipa ushindi timu anazozichezea.
Akiongea kuhusu majeruhi na lini
atarejea, Messi anasema hawezi kukadiria ila kikubwa anamsikiliza
daktari wake kuona ni lini atakua tayari kurudi uwanjani baada ya kuumia
na kutakiwa kuwa nje ya uwanja kwa majuma 7-8.
Hakuna maoni:
Chapisha Maoni