AC Milan yamtimua kocha wao Sinisa Mihajlovic

Kocha aliyetimuliwa, Sinisa Mihajlovic.

AC Milan inayoshiriki Ligi Kuu nchini Italia, Serie A imemtimua kocha wake Sinisa Mihajlovic na nafasi yake kuchukuliwa na kocha wa timu ya vijana Cristian Brocchi atakaye kinoa kikosi hicho mpaka mwisho wa msimu.

Maamuzi hayo yamefanywa Jumapili usiku na kutarajiwa kutokea tangu siku ya Jumatatu wakati mmiliki wa klabu hiyo Silvio Berlusconi alipokutana na Brocchi na msaidizi wa rais Adriano Galliano kwa majadiliano ya takribani saa tatu.

Brocchi anakuwa kocha wa tano kukinoa kikosi cha AC Milan ndani ya miaka miwili.
Mihajlovic alijiunga na Milan kutokea Sampdoria mwezi June.