BEI YA NYOTA RODRIGUEZ SASA HADHARANI, MADRID WATAKA IPUNGUE WATOE MKWANJA

Bei ya mshambuliaji nyota wa Colombia, James Rodriguez ,22, sasa iko hadharani
.

Tayari AS Monaco imeweka wazi kuwa kumuachia inahitaji hadi euro milioni 75, lakini Rais wa Real Madrid, Florentino Perez amesema anajua bei sahihi.

Perez amesema Madrid iko tayari kutoa kati ya euro milioni 50 hadi 60 na si zaidi ya hapo.

Rodriguez ndiye anaongoza kwa upachikaji mabao kwenye Kombe la Dunia baada ya kupiga 5, akifuatiwa na Neymar na Lionel Messi, kila mmoja ana 4.

Usiku wa leo, Rodriguez anategemewa kuisaidia Colombia kuing’oa Brazil katika mechi ya robo fainali ya Kombe la Dunia.