KOMBE LA DUNIA LA WANAWAKE: UJERUMANI, NORWAY, CANADA, CHINA ZAFUZU 16 BORA.

TIMU za taifa za Ujerumani na Norway zimefuzu kea ushindi hatua ya timu 16 bora ya michuano ya Kombe la Dunia la wanawake jana huku wenyeji Canada na China nazo zikifuzu hatua hiyo kwa kutoa sare katika michezo yao. 

Ujerumani wanaopigiwa chapuo kunyakuwa taji la michuano hiyo waliichapa Thailand mabao 4-0 na kuchukua uongozi wa kundi B huku Norway wao wakiididimiza Ivory Coast mabao 3-1 na kusonga mbele wakiwa washindi pili wa kundi hilo. 

Wenyeji Canada wao waling’ang’aniwa sare ya bao 1-1 na Uholanzi lakini iliwatosha kuwavusha wakiwa vinara wa kundi A huku China nao wakisonga mbele pamoja na sare ya mabao 2-2 dhidi ya New Zealand. 

Timu hizo nne zimeungana na mabingwa watetezi Japan na Brazil ambao tayari walishavuzu hatua hiyo wakiwa na wamebaki na mchezo mmoja kila mmoja.