YANGA NI NOMA SANA YAENDELEZA WIMBI LA KUTOA VIPIGO,KIMWAGA AIKOMBOA SIMBA .........

YANGA SC imeendelea kung’ang’ania usukani wa Ligi Kuu ya Vodacom Tanzania Bara kufuatia ushindi wa mabao 2-0 jioni ya leo dhidi ya wenyeji Mtibwa Sugar, Uwanja wa Jamhuri, Morogoro.

Shukrani kwao, wafungaji wa mabao hayo Malimi Busungu dakika ya 53 na Mzimbabwe Donald Ngoma dakika ya 89 katika mchezo huo uliochezeshwa na refa Erick Onoka wa Arusha.

Yanga SC sasa inafikisha pointi 15 sawa na Azam FC baada ya timu zote kucheza mechi tano, lakini wana Jangwani wanakaa kileleni kwa wastani wao mzuri wa mabao.

Kikosi cha Mtibwa Sugar kilikuwa; Said Mohamed, Rodgers Freddy, Issa Rashid, Andrew Vicent, Salim Mbonde, Shabani Nditi, Vicent Barnabas, Mzamiru Yassin, Seleman Rajab, Mohamed Ibrahim/Said Bahanuzi dk68 na Shiza Kichuya/Jaffar Salum dk60.

Yanga SC; Ally Mustafa ‘Barthez’, Juma Abdul, Mwinyi Hajji Mngwali, Nadir Haroub 'Cannavaro', Kelvn Yondan, Said Juma 'Makapu', Malimi Busungu, Thabani Kamusoko, Amissi Tambwe/Mateo Anthony Simon dk85, Donald Ngoma na Salum Telela.

Matokeo ya mechi nyingine za Ligi Kuu zilizochezwa September 30

SIMBA SC imepoza machungu ya kipigo cha 2-0 watani, Yanga SC mwishoni mwa wiki, baada ya jioni ya leo kuibuka na ushindi wa bao 1-0 dhidi ya Stand United katika mfululizo wa Ligi Kuu ya Vodacom Tanzania Bara Uwanja wa Taifa, Dar es Salaam.

Katika mchezo huo uliochezeshwa na refa Ahmada Simba wa Kagera, timu hizo zilishambuliana kwa zamu huku Hassan Dilunga wa Stand United akionyeshana ufundi na kiungo wa Simba SC, Said Ndemla katikati ya Uwanja kipindi cha kwanza.   

Mabadiliko yaliyofanywa na kocha Muingereza Dylan Kerr kipindi cha pili kupunguza idadi ya viungo wa kati na kuongeza kiungo mshambuliaji, ndiyo yaliongeza makali ya Simba SC hadi kupata bao.

Kerr alimtoa Ndemla na kumuingiza Joseph Kimwaga mwanzoni mwa kipindi cha pili na ni mchezaji huyo wa mkopo kutoka Azam FC ndiye aliyekwenda kuipatia bao hilo pekee Simba SC dakika ya 57 kwa shuti kali akimalizia krosi ya Mganda, Simon Sserunkuma.

Awali, safu ya ushambuliaji ya Simba SC iliyomtegemea Boniface Maganga pekee haikuwa tishio kutokana na Kerr kuanzisha viungo wengi, Justice Majabvi, Jonas Mkude, Pater Mwalyanzi na Ndemla.

Na Simba SC inatimiza pointi 12 baada ya mechi tano, ikiendelea kuwa nyuma ya Yanga SC na Azam FC ambao wameshinda kwa mara ya tano mfululizo tangu kuanza kwa Ligi Kuu Septemba 12. 

Kikosi cha Simba SC kilikuwa; Peter Manyika, Hassan Kessy, Mohammed Hussein ‘Tshabalala’, Juuko Murshid, Hassan Isihaka, Jonas Mkude, Justice Matabvi, Said Ndemla/Joseph Kimwaga dk46, Peter Mwalyanzi, Simon Sserunkuma na Boniface Maganga.

Stand United; Frank Muwonge, Nassoro Said ‘Chollo’, Abuu Ubwa, Philip Imetusela, Rajab Zahir, Hassan Dilunga, Jacob Massawe, Erick Kayombo, Vitalis Mayanja/Hassan Banda dk43, Suleiman Kassim ‘Selembe’/Haroun Chanongo dk60 na Pastory Athanas.

MATOKEO MENGINE:

Azam FC 2-0 Coastal Union

Prisons 0-0 Mwadui FC

Maji maji 1-1 Ndanda FC

African Sports 0-1 Mgambo Shooting

Kagera Sugar 0-0 JKT Ruvu