Licha ya uhasimu wao mkubwa enzi zake akiwa kocha wa Manchester United, Sir Alex Ferguson amempongeza Arsene Wenger kwa kuendelea kubaki kuwa meneja wa Arsenal kwa kipindi kirefu.
Wenger ambaye siku za hivi karibuni, amekuwa katikapresha kubwa kutoka kwa mashabiki kutokana na kutofanya usajili wa uhakika na vile vile kukosa kombe la EPL tangu mwaka 2004.
Lakini Ferguson anaona dhahiri shahiri kuwa kutakuwa na tatizo kubwa pale Arsene Wenger atakapoondoka klabuni hapo, kama ilivyotokea kwa Manchester United.
Aliiambia ESPN kuwa: ‘Ni kama ilivyotokea kwangu endapo nisingeweza kuisogeza mbele klabu baada ya timu ya mwaka ’94 ama ’99, pengine ningepata tatizo kama alilonalo Arsene, lakini hata hivyo bado ameendelea kushikilia misimamo yake, amebaki na kile anachokiamini.
‘Wakati wote ambao presha hii inatokea huwa nawaambia marafiki zangu wachache kwamba hivi watampata nani ambaye ataweza kumrithi Arsene Wenger, ni nani watampata ambaye atakuwa bora zaidi ya Arsene Wenger?
‘Na ndiyo maana hawamfukuzi, ndiyo maana wameendeka kubaki naye.
Hakuna maoni:
Chapisha Maoni