ZIDANE ADAI PSG NI BORA ULAYA KULIKO BAYERN MUNICH...

NGULI wa soka wa Ufaransa, Zinedine Zidane anaamini Real Madrid na Paris Saint-Germain ndio timu za kupewa nafasi kubwa kushinda taji la Ligi ya Mabingwa Ulaya msimu huu.

 PSG imeshatolewa mara tatu katika hatua ya robo fainali ya michuano hiyo toka waliporejea tena mwaka 2012. 

Mabingwa hao wa Ufaransa wamezifunga Malmo na Shakhtar Donetsk katika mechi zao mbili za mwanzo za kundi A lakini sasa wanakabiliwa na mechi mbili zingine dhidi ya Madrid.

 Akihojiwa Zidane amesema kwa upande wake anadhani Madrid na PSG ndio klabu mbili bora barani Ulaya kwasasa.

 Nguli huyo aliendelea kudai kuwa kwake yeye kuna klabu mbili bora wakifuatiwa na Barcelona, na bayern Munich yuko nyuma ya hizo timu.