Timu ya Taifa ya England leo imehitimisha mechi yake ya mwisho ya hatua ya kufuzu michuano ya kombe la Euro 2016 kwa kuingia katika rekodi ya timu zilizomaliza hatua hiyo kwa mafanikio zaidi.
Wakicheza dhidi ya Lithuania, vijana wa Roy Hodgson wameibuka na ushindi wa magoli 3-0 na hivyo kumaliza kampeni ya kwenda Euro kwa kushinda mechi zote za hatua ya kufuzu.
England sasa inakuwa timu ya sita kuweza kuweka rekodi hiyo ya kushinda mechi zote za hatua ya kufuzu kwenda Euro wakiwa wameweka kibindoni pointi 30.
Timu nyingine ambazo zilifanikiwa kuweka rekodi kama ya England ni Ufaransa mwaka 1992 na Czech Republic mwaka 2000 lakini timu zote mbili waliishia kwenye makundi kwenye fainali zenyewe.
Ufaransa tena waliweka rekodi kama hiyo mwaka 2004, safari hii wakaishia kwenye robo fainali kwenye michuabo yenyewe. Wengine ni Spain na Ujerumani mwaka 2012 ambao Ujerumani waliishia nusu na Spain wakatwaa ubingwa wa michuano. Swali Je England wataishia wapi?
Matokeo ya mechi nyingine za michuano hiyo haya hapa
Hakuna maoni:
Chapisha Maoni