HATIMAYE RADAMEL FALCAO ATUA MAN UNITED, KULAMBA PAUNDI 200,000 KWA WIKI

 

  Manchester United imemnasa Radamel Falcao kwa mkopo kutoka Monaco

KLABU ya Manchester United imeshinda mbio za kuwania saini ya mshambuliaji Radamel Falcao kutoka Monaco kwa mkopo wa mwaka mmoja.

Mpachika mabao huyo ataigharimu klabu hiyo ya Old Trafford Pauni Milioni 12 kwenda kuungana na Angel di Maria, Daley Blind, Luke Shaw, Ander Herrera na Marcos Rojo katika orodha ya wachezaji wapya kwenye kikosi cha Louis van Gaal.

Mchezaji huyo wa kimataifa wa Colombia mwenye umri wa miaka 28 tayari ameafiki kulipwa mshahara wa Pauni 200,000 kwa wiki na anatarajiwa
kutua Manchester wakati wowote kwa ndege binafasi kukamilisha taratibu.

REKODI YA FALCAO...

River Plate (2005-2009): Mechi 105 mabao 45

Porto (2009-2012): Mechi 87 mabao 72

Atletico Madrid (2011-2013): Mechi 91 mabao 70

Monaco (2013-2014): Mechi 22 mabao 13

Colombia: Mechi 51 mabao 20