JERRY MURO MSEMAJI MPYA WA YANGA

Mwandishi wa habari, Jerry Muro ndiye atakuwa msemaji wa klabu ya Yanga.

Muro anatarajia kuanza kazi ndani ya siku chache baada ya kumalizana na uongozi wa klabu hiyo.

Muro anachukua nafasi ya Baraka Kizuguto ambaye sasa atakuwa akifanya kazi nyingine za klabu hiyo.

Muro aliwahi kufanya kazi ITV kabla ya kuhamia TBC One na kupata mafanikio makubwa katika vipindi alivyokuwa akiviendesha.