FERGUSON KUMFUNDISHA BECKHAM TENA....

MENEJA wa zamani wa Manchester United, Sir Alex Ferguson anatarajiwa kufundisha muunganiko wa wachezaji nyota wa timu za Uingereza na Ireland ambayo nahodha wake atakuwa David Beckham katika mchezo wa hisani utakaochezwa mwezi ujao. 

Timu hiyi inatarajiwa kukwaana na na nyota wa dunia ambao watakuwa wakiongozwa na Zinedine Zidane, mchezo ambao utafanyika katika Uwanja wa Old Trafford. 

Kocha wa zamani wa Chelsea, Real Madrid na AC Milan Carlo Ancelotti ndiye anatarajiwa kuwanoa nyota wa dunia huku mwamuzi mkongwe wa Italia Pierluigi Collina akitarajiwa kuwa mwamuzi.

 Fedha zitakazopatikana kutokana na mauzo ya tiketi zitatolewa kama msaada kwa Shirika La Umoja wa Mataifa linalohudumia watoto-UNICEF. 

Ferguson mwenye umri wa miaka 73 alistaafu mwaka 2013 akiwa ameshinda mataji 38 katika kipindi cha miaka 26 aliyokaa Old Trafford.