LIVERPOOL KUTEGUA KITENDAWILI CHA MENEJA MPYA WIKI HII.

KLABU ya Liverpool imeanza kufanya mawasiliano na wawakilishi wa Jurgen Klopp katika harakati za kutafuta mbadala wa Brendan Rodgers waliyemtimua. 

Meneja huyo wa zamani wa Borussia Dortmund amekuwa akipigiwa upatu wa kuchukua nafasi hiyo huku naye meneja wa zamani wa Chelsea carlo Ancelotti akipewa nafasi hiyo pia. Inaaminika kuwa Klopp mwenye umri wa miaka 48 raia wa Ujerumani yuko wazi kuhusu wazo hilo la kutua Uingereza. 

Mmiliki wa Liverpool amepanga kupata meneja mpya mpaka kufikia mchezo ujao wa Ligi Kuu dhidi ya Tottenham Hotspurs utaofanyika Octoba 17 mwaka huu. 

Kama Liverpool wakifanikiwa kumshawishi Klopp inaaminika atawagharimu kitita cha paundi milioni 5 kama mshahara wake kwa mwaka