Gazeti la michezo la kila siku la Italia, Dello Sport, leo jumapili limeripoti kwamba kiungo wa Juventus, Arturo Vidal anahusishwa kujiunga na ligi kuu England.
Kwa mujibu wa gazeti hilo, Arsenal na Manchester United zinaongoza kuwania saini ya Mchile huyo.
Sehemu ya stori hiyo inasema kwamba wakala wa Vidal, Fernando Felicevich alikuwepo jana kwenye mechi ya fainali ya kombe la FA kati ya Arsenal na Aston Villa.
Hata hivyo, uwepo wa Felicevich katika mechi hiyo ya fainali haushangazi kwasababu pia ni wakala wa mchezaji wa Arsenal, Alexis Sanchez.
Dello Sport wanasema siku chache zijazo, Felicevich anatarajia kufanya mazungumzo na Arsenal pamoja na Man United ili kuona ni timu gani inaweza kutoa ofa nzuri.
Taarifa kutoka Italia zinaeleza kuwa Juve tayari wameshaanza harakati za kutafuta mbadala wa Vidal ambapo malengo yao makubwa ni kumnasa nyota wa Chelsea, Oscar, majira haya ya kiangazi.
Hakuna maoni:
Chapisha Maoni