UCHAGUZI: JINA LA POGBA LATAWALA KWENYE KAMPENI BARCELONA

MGOMBEA nafasi ya urais katika klabu ya Barcelona, Agusti Benedito amedai ataweza kuishawishi Juventus kumuuza paul Pogba kea kitita cha euro milioni 80 kama akichaguliwa kushika nafasi hiyo. 

Nyota huyo wa kimataifa wa Ufaransa in mmoja kati ya wachezaji wanaowindwa zaidi katika soka msimu huu huku Manchester City, Real Madrid na Paris Saint-Germain zote zikitajwa kumuwania. 

Barcelona kwasasa hawaruhusiwi kusajili mchezaji yeyote mpaka mwakani kutokana na adhabu waliyopewa na Shirikisho la Soka Duniani-FIFA lakini Benedito amedai kuwa anaweza kufanikisha dili hilo la Pogba kama akichaguliwa. 

Akizungumza wakati akijinadi, Benedito amesema tayari ameshazungumza na Pogba kwani alianza kuzungumza na mwenyekiti wa Juventus Andrea Agnelli na baadae kuzungumza moja kwa moja na mchezaji mwenyewe. 

Benedito aliendelea kudai kuwa katika mzungumzo yao Juventus walikuwa wakihitaji euro milioni 80 za ada huku Pogba mwenyewe akitaka mshahara wa euro milioni 12 kwa mwaka. Uchaguzi rasmi wa klabu hiyo unatarajiwa kufanyika Julai 18 mwaka huu.