RAIS WA BOCA JUNIORS ATUA CHILE KUMSHAWISHI TEVEZ KURUDI NYUMBANI.

KLABU ya Boca Juniors imebainisha kuwa rais wao Daniel Angelici amewasili nchini Chile kwa ajili ya kujadiliana na mshambuliaji wa Juventus Carlos Tevez juu ya suala la kurejea katika timu hiyo. 

Nyota huyo wa kimataifa wa Argentina bado ana mkataba wa mwaka mmoja katika mkataba wake na Juventus lakini siku zote amekuwa wazi kuhusu nia yake ya kutaka kumalizia soka lake mahali alipoanzia. 

Tevez kwasasa anajiandaa na timu yake ya taifa kwa ajili ya mchezo wa michuano ya Copa America dhidi ya Uruguay baadae leo lakini makamu wa rais wa Boca Oscar Moscariello amethibitisha kuwa wanafanya mipango ya kumrudisha nyota huyo nyumbani baada ya michuano hiyo. 

Akihojiwa Moscariello amesema tayari Angelici ameshawasili Chile lakini hawajapa taarifa ya mambo yanavyokwenda huko.