HABARI NJEMA KWA MASHABIKI WA ARSENAL

Mkurugenzi mkuu wa Arsenal Ivan Gazidis amekiri kuwa kocha wa klabu hiyo Arsene Wenger ataendea kuwa klabuni hapo kwa miaka mingi ijayo huku akijiandaa kufikisha msimu wake wa 20 akiifundisha klabu hiyo.

Kubeba kombe la FA mara mbili mfululizo na kuwasajili Mesut Ozil na Alexis Sanchez kwa vipindi viwili tofauti vimesaidia kwa kiasi kikubwa kunyamazisha kelele zilizokuwa zikimuandama mara kwa mara.

Ujio wa Petr Cech klabuni hapo tena umezidi kuwapa hamasa mashabiki wa klabu hiyo kuelekea msimu mpya na Gazidis amekiri kuwa hawezi kusema ni lini Mfaransa huyo ataondoka klabuni hapo.