Mlinda
mlango wa Manchester United David De Gea ameuambia uongozi wa klabu
yake kuwa ''hakutaka kucheza'' kabla ya kuachwa nje kwenye mchezo wa
ufunguzi wa msimu mpya.
Meneja
Louis van Gaal hatamtumia mchezaji huyo wa kimataifa wa Uhispania
mwenye miaka 24 mpaka dirisha la usajili kufungwa huku kukiwa na uvumi
wa kujiunga na Real Madrid.
Mchezaji huyo bora wa Man United kwa misimu miwili alimwambia kocha wa makipa, Frans Hoek kuwa hakuwa tayari kwa asilimia 100.
Golikipa wa kimataifa wa Argentina , Sergio Romero alianza katika mchezo huo walioshinda dhidi ya Tottenham.
De Gea kwa mara nyingine ameachwa nje kwenye kikosi kitakachovaana na Aston Villa Ijumaa hii.
''Sifanyi maamuzi yote peke yangu,'' alisema Van Gaal.''Nina waalimu wawili wasaidizi pamoja na kocha wa makipa Frans Hoek.
''Fans alikuwa na mazungumzo na De Gea na amekubaliana na kila kitu kuhusu maamuzi yetu''
Van
Gaal amesema kuwa yeye pamoja na benchi zima la ufundi walimtanzama De
Gea kwenye mazoezi na kugundua kuwa mchezaji huyo wa zamani wa Atletico
Madrid ''siyo yule wa siku zote''
Hakuna maoni:
Chapisha Maoni