LEO TAREHE 10, SOMA KILICHOANDIKWA NA MAGAZETI ULAYA KUHUSU USAJILI, MAN CITY YAIVURUGIA MAN U KWA HAZARD...

MSHAMBULIAJI wa Real Madrid, Gareth Bale anatarajiwa kukataa maombi ya kutoka Manchester United na Chelsea kufuatia nyota huyo wa kimataifa wa Wales kutaka kuendelea kubakia Santiago Bernabeu.
Chanzo: Sunday People

KLABU ya Manchester United inaripotiwa kujipanga kumchukua meneja wa Tottenham Hotspurs Mauricio Pochettino kama mbadala wa Louis van Gaal, huku meneja wa Paris Saint-Germain Laurent Blanc naye akitajwa kufikiriwa katika nafasi hiyo.
Chanzo:Sunday Mirror.

KLABU ya Tottenham Hotspurs inajipanga kumsajili mshambuliaji wa Chelsea Loic Remy kwa mkopo majira haya ya kiangazi.
Chanzo: Daily Mirror.

KLABU ya Manchester United inataka kitita cha paundi milioni 24 kwa ajili ya Marouane Fellaini lakini hawatakubali kiungo huyo kuondoka kwa mkopo.
Chanzo: Sunday People

KLABU ya Manchester United inakaribia kumsajili mshambuliaji wa Mainz Yoshinori Muto kwa kitita cha paundi milioni 12.
Chanzo: Sunday Mirror

KLABU ya Manchester City imeingia katika kinyang’anyiro cha paundi milioni 80 na Real Madrid na Paris Saint-Germain kama Eden Hazard ataamua kuondoka Chelsea kipindi hiki cha majira ya kiangazi.
Chanzo: The Sun

KLABU ya Chelsea inaripotiwa kumuwinda meneja wa Atletico Madrid Diego Simeone ili aweze kuwa mbadala wa Guus Hiddink pindi atakapomaliza muda wake mwishoni mwa msimu huu.
Chanzo: OK Diario