BARCELONA YAKAMATWA NA MALAGA KWENYE LA LIGA

Nyota wa Barcelona, Lionel Messi akiwatoka mabeki wa Malaga katika mchezo wa La Liga jana usiku.

Wakati Real Madrid wameibuka na ushindi wa mabao 5-1 dhidi ya Elche, Barcelona mambo yamekuwa si safi kiivyo baada ya kulazimishwa sare ya suluhu dhidi ya Malaga.

Wakiwa ugenini, Barcelona walifanya kila juhudi huku mshambuliaji wao nyota Lionel Messi akihaha kila idara ili kupata bao angalau moja, lakini mambo yalishindikana.

Wakati fulani, Malaga walikuwa wakali kama nyuki katika mechi hiyo ya La Liga lakini kipa wa Barcelona akawa imara kuokoa michomo ya hatari.