ARSENAL NOUMA SANA, YATANGULIA 3, WABELGIJI WASAWAZISHA ZOTE EMIRATES

 Hadi dakika ya 61, Arsenal ilikuwa inaongoza kwa mabao 3-1 dhidi ya Anderlecht ya Ubelgiji katika mechi ya Ligi ya Mabingwa Ulaya.

Lakini dakika ya 90, licha ya kuwa nyumbani, matokeo yalikuwa yanasomeka hivi 3-3.

Hali hiyo ilitokana na uzembe mkubwa wa safu ya ulinzi na kiungo cha ukabaji wa Arsenal.

Mabao ya Arsenal yalifungwa na Mikel Arteta, Alexis Sanchez na Oxlade Chamberlain.

Lakini Wabelgiji hao waliokuwa hawapewi nafasi wakaanza kusawazisha moja baada ya jingine huku Mitrovic akifunga la tatu katika dakika ya 90.