MATE YA FELLAINI YAMUUMBUA KOCHA VAN GAAL

 Pamoja na Kocha Louis van Gaal kumtetea kiungo wake Maroane Fellaini kwamba hakumtemea mate mshambuliaji Kun Aguero wa Man City, picha zimemuumbua.

Picha zinaonyesha Fellaini raia wa Ubelgiji akimtemea mate Aguero wakati akimlaumu kuwa alijiangusha.

Tukio hilo lilitokea jana wakati wa mechi ya watani hao wa jadi na wapinzani wakubwa na City kushinda kwa bao 1-0 lililofungwa na Muargentina, Aguero.

Van Gaal aliamini Fellaini hakufanya hivyo, lakini picha zimebadili mchezo huo na huenda Mbelgiji huyo mwenye asili ya kiarabu akakumbana na rungu la FA.