VAN PERSIE APOKELEWA KWA SHANGWE KUMBWA FENERBAHCE

MSHAMBULIAJI wa kimataifa wa Uholanzi, Robin van Persie sasa ameondoka rasmi Manchester United baada ya jana kutua Uturuki tayari kuanza kazi Fenerbahce.

Van Persie alipata mapokezi mazuri na alikuwa mwenye tabasamu wakati anawasili Uwanja wa Ndege wa Kimataifa wa Sabhia Gokcen mjini Istanbul mchana.

Mkongwe huyo mwenye umri wa miaka 31 atasaini Mkataba wa miaka mitatu na atakuwa analipwa mshahara wa Pauni 240,000 katika klabu ambayo anakutana tena na Luis Nani waliyekuwa naye Man United.