Uongozi wa klabu ya Singida United ya mjini Singida umetangaza rasmi kuachana na wachezaji wanne Frank Zakaria, Atupele Green, Mohamed Titi na Pastrory Athanas.
Akithibitisha taarifa hizo Mkurugenzi wa Singida United Festo Richard Sanga amesema wameachana na washambuliaji Atupele Green na Pastory Athanas, wakati Frank Zakaria na Mohamed Titi wanapelekwa kwa mkopo Stand United.
Sanga amesema, wamewaacha wachezaji hao kwa madai ya changamoto ya ushindani wa namba, hivyo nafasi zao wanafikiria namna ya kuziziba.
-Atupele Green na Athanas wapo huru lakini Zakaria na Titi, tumewapeleka Stand United wakaangalie changamoto nyingine, ubora wa viwango vyao ndivyo vitakavyowarudisha kwenye timu, lakini pia muda huu tunatafuta wachezaji wa kuziba nafasi baada ya kuwaachia wachezaji hawa, "alisema Sanga.
Dirisha la usajili kufungwa.
Hao wanakuwa wachezaji wa kwanza kutemwa na Singida United Huku Dirisha la usajili likiwa limebakiza siku 10 kufungwa na kupisha michezo ya ligi kuu soka Tanzania Bara inayotarajiwa kufikia tamati mwezi Mei mwakani.
Hakuna maoni:
Chapisha Maoni