UNITED YATIA NIA KUWASAJILI SCHWEINSTEIGER NA RAMOS.

KLABU ya Manchester United imeonyesha nia ya kuwasajili kiungo wa Bayern Munich Bastian Schweinsteiger na beki wa Real Madrid Sergio Ramos. Meneja wa United, Louis van Gaal anajaribu kuimarisha kikosi chake baada ya kumaliza katika nafasi ya nne katika msimamo wa Ligi Kuu msimu uliopita. 

Ramos ana mkataba na Madrid unaomalizika mwaka 2017 wakati Schweinsteiger mkataba wake na Bayern unamalizika mwakani. 

United na Madrid wanatarajia kuanza mazungumzo kiangazi hiki kuhusu golikipa David De Gea ambapo kuna uwezekano wa kufanyika mabadilishano na Ramos. De Gea mwenye umri wa miaka 24 amekataa kuongeza mkataba na United pindi ule wa sasa utakapomalizika mwaka 2016.