MARADONA ATANGAZA NIA YA KUTAKA KUMRITHI BLATTER.

NGULI wa soka wa Argentina, Diego Maradona ameamua kugombea nafasi ya urais wa Shirikisho la Soka Duniani-FIFA kuchukua nafasi ya rais wa sasa Sepp Blatter. 

Kwa mujibu wa mwandishi na mtunzi Victor Hugo Morales amedai kuwa maradona alimwambia nia yake hiyo wakati alipompigia simu kutaka kujua kuhusu hali ya baba yake aliyekuwa mgonjwa jana. 

Morales amesema maradona alimwambia kuwa anataka kugombea nafasi hiyo na kumruhusu kutangaza taarifa hizo. Rais wa Venezuela, Nicolas Maduro mapema mwezi huu alimpigia chapuo Maradona kuwa rais ajaye wa FIFA. 

Maradona mwenye umri wa miaka 54 amekuwa akimpiga Blatter kea kipindi kirefu na mwezi uliopita alidai kuwa amefurahi kuibuka kwa sakata la rushwa ambalo lilipelekea rais huyo kutangaza kuachia ngazi. 

Wengine waliojitokeza kuitaka nafasi hiyo ni pamoja na nguli wa soka wa Brazil, Zico pamoja na mwenyekiti wa Chama cha Soka cha Liberia Musa Bility.