Nahodha wa England na klabu ya
Manchester United Wayne Rooney leo anatarajiwa kurudi tena dimbani baada
ya kukosa michezo miwili ya timu yake kati ya Liverpool na PSV wiki
iliyopita kutokana na kuwa majeruhi.
Kocha wa United, Louis Van Gaal
amesema haikua ishu kubwa sana bali waliona ni vyema kutomsababishia
makubwa nahodha wao. Leo anatarajia kuwaongoza wenzake katika mechi ya
ugenini dhidi ya Southampton.
Marcos Rojo anaweza kuchukua
nafasi sehemu ya ulinzi kuziba pengo la majeruhi Luke Shaw atakae kaa
nje ya uwanja kwa miezi sita baada ya kuvunjika mfupa wa mguu mara mbili
alipocheza dhidi ya PSV Jumanne iliyopita katika michuano ya ulaya.
Phil Jones yuko fiti lakini
huenda akasubiri kutokana na kutokua na fitness ya mechi baada ya kuwa
nje ya uwanja kwa muda hivi sasa. Mechi hiyo itakayopigwa saa kumi na
mbili jioni saa za kwetu Tanzania .
Kwa upande wao Southampton
watakua wakitarajia Saidio Mane kuwa katika fomu yake ya hali ya juu ili
kuwadhuru United ambao watataka kupata matokeo kujiimarisha zaidi
katika mbio za ubingwa msimu huu.
Hakuna maoni:
Chapisha Maoni