Kocha
wa Manchester United Louis Van Gaal amesema anatengeneza timu kwa ajili
ya kocha atayerithi mikoba yake mara tu atakapomaliza muda wake Old
Trafford.
Manchester United ilipata hasara
kwa gharama za kuwanunua Angel Dimaria na Radamel Falcao msimu uliopita,
lakini msimu huu pamoja na kutumia pesa nyingi za usajili, wamenunua
pia vijana.
Manchester United imewekeza pauni
70m kwa Memphis Depay (21) na Anthony Martial (19), pekee huku Van Gaal
akisema huenda wakawa ndio uti wa mgongo wa mafanikio ya Manchester
United siku zijazo.
Van Gaal amesema, Luke Shaw, Memphis Depay, Martial na Januzaj watakua nembo ya falsafa yake pindi akiondoka Old Trafford.
Van Gaal anasema anakumbushia
alivyowatengeneza Xavi, Iniesta na Valdez akiwa mwalimu wa Barcelona,
huku akifanya hivyo pia kwa Muller nchini Ujerumani akiwa na Bayern
Munich.
Tayari Anthony Martial ameanza
kutema cheche kikosini hapo huku Van Gaal akimtaka ajifunze kiingereza
haraka ili kuwa na mahusiano mazuri na wenzake.
Hakuna maoni:
Chapisha Maoni