KUELEKEA
mchezo wa fainali wa kombe Capital- one kati ya Chelsea na Tottenham
Hotspurs utakopigwa jumapili hii katika uwanja wa Wembley,kipa wa klabu
ya Chelsea Thibaut Courtois amesema anazijua mbinu za kumzuia
mshambuliaji wa wapinzani wao Harry Kane.
Kane
ambaye ni zao la Spurs, amekuwa katika kiwango kizuri na mpaka sasa
ameshafunga magoli 24 katika mechi zote alizocheza katika michuano
mbalimbali msimu huu.
Hivyo
mchezo huu wa jumapili ambao unasubiriwa kwa hamu na mashabiki wa hizo
ni nafasi nyingine kwa Kane kudhihirisha ubora wake.
Licha
ya Kane kushinda magoli mawili katika mechi ambayo Tottenham Hotspurs
iliibuka na ushindi wa 5-3 dhidi ya Chelsea katika mchezo wa ligi kuu
Januari mosi mwaka huu,lakini Courtois anaamini ataweza kumzuia mchezaji
huyo mwenye umri wa miaka 21 katika mechi hiyo kali.
Chelsea
imetinga hatua ya fainali baada ya kuitoa Liverpool katika hatua ya
nusu fainali kwa jumla ya goli 2 kwa 1 huku Spurs ikiingia fainali kwa
kuwatoa Sheffield United kwa jumla ya goli 3 kwa 2.
Fainali hii inajirudia ile ya mwaka 2008 ambayo Tottenham Hotspurs
ilichukua ubingwa wa kombe hilo baada ya kuifumua Chelsea goli 2 kwa 1
katika mchezo huo
Hakuna maoni:
Chapisha Maoni