TETESI ZA USAJILI BARANI ULAYA

KATIKA habari za tetesi zilizopamba vichwa vya habari vya magazeti na mitandao mbalimbali Ulaya ni pamoja na mshambuliaji wa West Bromwich Albion Saido Berahino mwenye umri wa miaka 21 anataka kuondoka katika timu hiyo mwishoni mwa msimu ili kutafuta maslahi mazuri zaidi. Winga wa Manchester United Adnan Januzaj aliyetimiza miaka 20 leo anaweza kutolewa kwa ajili ya kubadilishana na beki wa Paris Saint Germain Marquinhos mwenye umri wa miaka au beki wa Everton Seamus Coleman mwenye umri wa miaka 26 katika majira ya kiangazi. Meneja wa klabu ya Real Siciedad David Moyes anajiandaa kutoa ofa kwa ajili ya kumsajili tena kiungo wa Real Madrid Asier Illarramendi mwenye umri wa miaka 24 ambaye pia anawindwa na Arsenal na Liverpool. Mchezaji mpya aliyesajiliwa na Wolfsburg kwa kitita cha paundi milioni 24 Andre Schurrle mwenye umri wa miaka 24 amesema hajutii chochote katika kipindi chake alichokuwa Chelsea baada ya kukamilisha usajili wake wa kuitumikia timu hiyo ya Bundesliga. Manchester United na Liverpool wamedokezwa kuhusu uwezekano wa kumsajili golikipa wa Inter Milan Samir Handanovic mwenye umri wa miaka 30 baada ya wakala kudai anatarajia kuondoka katika klabu hiyo majira ya kiangazi. Mshambuliaji nyota wa klabu ya Tottenham Hotspurs Emmanuel Adebayor mwenye umri wa miaka 30 alikataa ofa ya kulipwa kitita cha paundi milioni moja kwa mwezi katika klabu moja huko Qatar na sasa amepanga kuzungumza na mwenyekiti wa Spurs juu ya nia yake ya kupigania namba katika kikosi cha kwanza cha timu hiyo. Maofisa wa Ligi Kuu wamepanga kumuandikia barua meneja wa Chelsea Jose Mourinho kumuhoji kwanini hakuzungumza na wanahabari kabla na baada ya mchezo dhidi ya Manchester City Jumamosi iliyopita ambao walitoka sare ya bao 1-1. Meneja wa zamani David Moyes anadaiwa kupiga marufuku chipsi wakati akiwa Manchester United kwasababu ya wachezaji wake kadhaa kuongezeka uzito.