HERRERA AKIRI KUWAWEKA MASHABIKI WA UNITED ROHO JUU.

KIUNGO wa Manchester United, Ander Herrera anadhani wanawaweka mashabiki wao katika hali ngumu kutokana na kiwango kisicho cha kuridhisha wanachocheza. Kikosi cha United kinachonolewa na Louis van Gaal ilibidi kisubiri makosa ya safu ya ulinzi ya Newcastle ili waweze kupata ushindi Juzi usiku baada ya Ahley Young kufunga bao katika dakika ya 89. Ushindi wa bao 1-0 waliopata unakuwa wa tano kwa United katika michezo yao 10 iliyopita wakiwa wamepoteza michezo mingine dhidi ya timu kama Swansea City na Southampton hivi karibuni. Herrera amesema ukipata ushindi katika dakika za mwisho unakuwa na furaha lakini anadhani wanapaswa kuimarika na kufunga mabao mapema kwani wanawapa tabu mashabiki wao.