KWA MZIKI HUU MANCHESTER WEKA MBALI NA WATOTO

KLABU ya Manchester United imethibitsha kumsajili Bastian Schweinsteiger kutoka Bayern Munich kwa Mkataba wa miaka mitatu, ikiwa ni muendelezo wa kocha Louis van Gaal kutumia fedha kuimarisha kikosi chake.

Schweinsteiger amekaririwa na tovuti ya United akisema kwamba Old Trafford ndiyo sehemu pekee angekwenda baada ya kuondoka Bayern Munich.

"Nimefurahia sana maisha yangu nikiwa na Bayern Munich,"amesema na kuongeza; "Ilikuwa ni safari babu kubwa na haukuwa uamuzi mwepesi kuondoka,". 

  Wakati huohuo  Manchester United imethibitisha kumsajili Morgan Schneiderlin kutoka Southampton ambaye anafanya klabu ifikishe jumla ya Pauni Milioni 80 ilizotumia kusajili hadi sasa.

Kiungo huyo Mfaransa, ambaye alitaka kuondoka St Mary's msimu uliopita, anahamia Old Trafford kwa dau la Pauni Milioni 25 kwa Mkataba wa miaka minne.

Na mchezaji huyo mwenye umri wa miaka 25 anaungana na Bastian Schweinsteiger , Matteo Darmian na Memphis Depay katika orodha ya wachezaji wapya hadi sasa United.

 Louis van Gaal anasubiri kuona ni kiasi gani atakuwa na kikosi imara baada ya usajili huu wa kishindo kuelekea msimu ujao.Kocha huyo Mholanzi wa Man United anahaha kutumia mamilioni ya Pauni kuboresha kikosi chake cha kwanza