Kiungo wa Manchester United na
timu ya taifa ya Spain, Juan Mata amemwelezea mchezaji mwenzake wa
Manchester United, Wayne Rooney kuwa ni bora kuwahi kucheza nae huku
akimpongeza kwa kufikia rekodi ya ufungaji bora wa muda wote wa timu ya
taifa ya uingereza.
Akiandika kupitia blog yake, Juan
Mata amesema Wayne Rooney ni moja kati ya wachezaji bora zaidi amewahi
kucheza nao na kwamba anampongeza kwa kumfikia mkongwe Sir Bob Charlton
katika chat ya ufungaji bora wa muda wote wa timu ya taifa ya England.
Mata anasema anaamini Rooney
mwenye miaka 29 bado ana mechi nyingi zaidi na hivyo Mata anaamini
Rooney atafunga magoli mengi na kuweka rekodi ngumu zaidi kuweza
kuvunjwa siku zijazo.
Rooney ambaye amefikisha magoli
49 sawa na Bob Charlton huenda akaongeza goli katika mechi dhidi ya
Switzerland Jumanne hii katika mchezo mwingine wa kufuzu michuano ya
mataifa ya Ulaya, ambapo hata hivyo tayari England imeshafuzu.
Hakuna maoni:
Chapisha Maoni