RATIBA YA KOMBE LA FA KULE ENGLAND IKO HAPA, CHELSEA USO KWA USO NA MAN CITY

TIMU ya Chelsea imepangwa kumenyana na Manchester City katika Raundi ya Tano ya Kombe la FA Cup baada ya kuitoa MK Dons.  

Manchester United wamepangiwa timu ya Daraja la Kwanza, Shrewsbury Town, wakati Arsenal walioshinda Kombe la FA misimu miwili mfululizo iliyopita watamenyana na Hull City, timu ambayo waliifunga kutwaa taji hilo mwaka 2014.  

Liverpool na West Ham wanatarajiwa kumenyana katika mchezo wa marudiano baada ya sare ya 0-0 Uwanja wa Anfield Jumamosi na mshindi ataifuata na Blackburn Rovers.

 

Tottenham itakuwa mwenyeji wa Crystal Palace Uwanja wa White Hart Lane, Reading itamenyana na mshindi wa mechi ya marudiano kati ya West Brom na Peterborough wakati Leeds itasafiri kuwafuata Watford na Bournemouth itamenyana na Everton Uwanja wa Vitality.  

 

RATIBA KAMILI HATUA YA 16 BORA KOMBE LA FA ENGLAND: 

Chelsea vs Manchester City

Reading vs West Brom/Peterborough

Watford vs Leeds

Shrewsbury vs Manchester United

Blackburn vs Liverpool/West Ham

Tottenham vs Crystal Palace

Arsenal vs Hull

Bournemouth vs Everton

(Mechi zitachezwa wikiendi ya Februari 19)