TETESI ZA USAJILI ZILIZOANDIKWA KWENYE MAGAZETI YA LEO TAREHE 4 ULAYA

KLABU ya Juventus inadaiwa kuwa tayari kutoa kitita cha euro milioni 30 kwa ajili ya Mehdi Benatia huku meneja ajaye wa Bayern Munich Carlo Ancelotti akionyesha kutoshawishika na beki huyo.
Chanzo: Tuttomercatoweb.com

MENEJA wa Manchester City, Manuel Pellegrini anatajwa kuweza kuchukua nafasi ya Andre Villas-Boas katika klabu ya Zetit St Petersburg. Hata hivyo inaripotiwa kuwa kocha huyo raia wa Chile anaweza kuendelea kukaa Uingereza na Newcastle United ndio klabu inayotajwa kuwa kituo chake kingine cha kazi kama nafasi ikitokea.
Chanzo: Daily Mail

KLABU za Manchester United na Chelsea zote zimeonyesha nia ya kumsajili Mauro Icardi. Jose Mourinho na Antonio Conte ambao wanaweza kuwa makocha wa klabu hizo msimu ujao, wote ni mashabiki wakubwa wa mshambuliaji huyo wa Inter Milan.
Chanzo: Corriere dello Sport

MENEJA wa Newcastle United Steve McClaren anaweza kutimuliwa kama timu hiyo ikichapwa na Buornemouth kesho. Newcastle iliwekeza karibu paundi milioni 30 katika kipindi cha usajili wa dirisha dogo lakini bado wamebaki katika nafasi ya 19 katika msimamo wa Ligi Kuu.
Chanzo: The Sun

MENEJA Pep Guardiola anafukuzia golikipa ambaye ana uwezo pia w kutumia miguu yake kwa ustadi kwa ajili ya Manchester City na chaguo lake kwanza linatarajiwa kuwa ni kumleta nyota wa Bayern Munich Manuel Neuer Uingereza.
Chanzo: Daily Mirror

NGULI wa soka wa Argentina, Diego Maradona anataka kuinoa Real Madrid kwasababu hajawahi kupendezwa na jinsi anavyofananishwa na Lionel Messi hivyo anataka kupambana naye yeye akiwa kocha.
Chanzo: Mundo Deportivo