MESSI NDIYE MCHEZAJI BORA WANGU DUNIANI KWA SASA ... HAZARD

Winga wa Chelsea Eden Hazard amebainisha kuwa anamchukulia mshambuliaji wa Barcelona Lionel Messi kuwa mchezaji bora zaidi duniani.

Nyota wa Real Madrid Cristiano Ronaldo ameshinda tuzo ya Ballon d'Or, lakini Messi ameisaidia Barcelona kuwa na mwanzo mzuri msimu huu katika michuano yote.

Hazard atakabiliana uso kwa uso na Messi Chelsea itakapocheza dhidi ya Barcelona katika hatua ya 16 bora kwenye Ligi ya Mabingwa Februari, lakini mchezaji huyo wa kimataifa wa Ubelgiji amesisitiza kuwa anafurahi kukabiliana na miamba hiyo ya Catalan.

Mchezaji huyo mwenye umri wa miaka 26 aliiambia Chelsea TV: "Naam, unapocheza soka unataka kucheza dhidi ya timu bora. Timu bora, wachezaji bora duniani. Messi ni mchezaji bora duniani."

Hazard - ambaye amebakiwa na miaka miwili na nusu kwenye mkataba wake Stamford Bridge - amehusishwa na tetesi za kutaka kuhamia Real Madrid.