TETESI ZA USAJILI ULAYA: CHELSEA YAMTAKA GOLIKIPA MZEE KUTOKA SPURS, MTOTO WA BECKHAM KWENDA UNITED KAMA AKITEMWA ARSENAL

KATIKA habari za tetesi za usajili zilizopamba vichwa vya habari na mitandao mbalimbali barani Ulaya ni pamoja na klabu ya Chelsea kujipanga kumsajili golikipa wa Tottenham Hotspurs Brad Friedel ambaye atatimiza miaka 44 katika majira ya kiangazi. Chelsea inajipanga kumchukua golikipa huyo mkongwe ili kuziba nafasi ya Peter Cech ambaye anaweza kuondoka kiangazi. Kiungo wa zamani wa klabu ya Liverpool Jamie Carragher anaamini Chelsea hawapaswi kumuachia beki mkongwe John Terry mwenye umri wa miaka 34 kuondoka kwani itawagharimu kuziba nafasi yake. Mtoto wa David Beckham aitwaye Brooklyn mwenye umri wa miaka 15 anaweza kufuata nyayo za baba yake na kuichezea Manchester United kama Arsenal wataamua kumuachia mwishoni mwa msimu huu. Klabu ya Everton italazimika kutafuta mchezaji mwingine baada ya taarifa kutoka nchini Italia kudai kuwa mshambuliaji wa Galatasaray Goran Pandev mwenye umri wa miaka 31 tayari amesaini mkataba wa awali na klabu ya Genoa.