MOURINHO AWEKA NGUMU, ASEMA PETR CECH HATOKI LABDA VINGINEVYO, SOMA HAPA.

Jose Mourinho ametamka hadharani kuwa atapinga kwa nguvu zake zote kuuzwa kwa mlinda mlango wa timu hiyo Petr Cech wakati dirisha la usajili litakapofunguliwa hasa kwa vilabu pinzani kama  Arsenal, lakini akasisitiza kwamba yeye si mwenye maamuzi ya mwisho klabuni hapo.

“Jose Mourinho ni kitu kimoja, na Abramovich ni kitu kingine, Pia kingine ni bodi sababu, bodi ipo kati  yangu mimi na watu wengine pia,” Mourinho alisema.

“Kama ingekuwa ni mimi, na maamuzi yangu, ningetaka Petr abaki hapa. Hivyo tu. Ingekuwa ni maamuzi yangu basi Petr angebaki.” Hata kama ni kinyume na matarajio yake? “Ndio.”

“Nadhani klabu ni muhimu zaidi ya mchezaji na kama ilivyokuwa msimu huu, klabu ilihitaji makipa wawili ambao ni bora kabisa,” Mourinho aliongeza. “Bila ya Petr msimu huu sidhani kama tungekuwa mabingwa kwa sababu alicheza michezo sita ambayo ilikuwa ni muhimu sana katika ligi.

“Kwangu mimi, uamuzi wa kwanza, ni Petr kubaki. Baada ya hapo sasa, uamuzi mwingine ni kwamba aende lakini sio abaki hapa Uingereza. Kitu nisichokitaka kwake ni yeye kubaki hapa katika klabu za Uingereza. Ila narudia tena, Mimi ni kocha na Cech ana maana kubwa sana kwangu na kwa klabu hii, na alichokifanya klabuni hapa ni kikubwa sana, kama maamuzi yangu yanatofautiana na klabu basi ntakubaliana nayo tu.”alimalizia Mourinho.