MKURUGENZI WA MAWASILIANO FIFA ATIMULIWA KWA KULETA UTANI.

MKURUGENZI wa mawasiliano wa Shirikisho la Soka Duniani-FIFA, Walter De Gregorio ametimuliwa baada ya kutoa kauli ya utani kuhusu shirikisho hilo katika luninga huko Uswisi. 

Katika kipindi kimoja maarufu cha mahojiano nchini humo, Gregorio alitania kuwa rais wa FIFA, katibu mkuu na mkurugenzi wa mawasiliano wote wanasafiri katika gari moja ambalo linaendeshwa na polisi. 

Mara baada ya kauli hiyo FIFA ilitoa taarifa baadae kuwa De Gregorio ameamua kujiuzulu wadhifa wake huo lakini wapekuzi wa mambo wanadai kuwa alitimuliwa na rais wa shirikisho hilo Sepp Blatter. 

Blatter mwenyewe mapema mwezi huu alitangaza kujiuzulu pindi utakapofanyika uchaguzi mpya wa nafasi yake hiyo ikiwa zimepita siku nne toka ateuliwe kuliongoza shirikisho hilo kea muhula wa tano.