MICRONESIA YAPOKEA KICHAPO CHA MAGOLI 46-0 KUTOKA KWA VANUATU

Katika kuwania kufudhu kucheza michuano ya Olympics itakayo fanyika Rio de Janeiro 2016 timu ya Taifa ya Micronesia imejikuta katika wakati mgumu baada ya kupokea kichapo cha magoli 46 kutoka kwa  Vanuata ukanda wa Pacific.

Katika mchezo huu mchezaji wa Vanuata, Jean Kaltack alifanikiwa kupachika magoli 16 .

Kipigo hiki kimeshtusha wengi kwa maana ni mchezo wa tatu timu hii inafungwa idadi kubwa ya magoli hapo awali walifungwa goli 30-0 na Tahiti kisha wakafungwa goli 38-0 na Fiji.Kwa ujumla ndani ya michezo mitatu wameshindwa kufunga goli hata moja huku wakifungwa jumla ya magoli 114 .

Hiki ndicho kipigo kikubwa kuwahi kutokea kwenye mchezo wa soka upande wa michezo ya mashindano  ingawa haitambuliki na Fifa kwa maana Taifa hili si mwanachama wa shirikisho hilo la soka Duniani.

Kumbuka  rekodi inayoshikiliwa mpaka sasa kwa mujibu wa Fifa ni ushindi wa goli 31-0 walio upata Australia dhidi ya Samoa kuwania kufudhu kombe la Dunia 2002.