GUARDIOLA AKANUSHA TETESI ZA KWENDA MADRID.

MENEJA wa Bayern Munich, Pep Guardiola amekanusha tetesi kuwa anaweza kujiunga na Real Madrid kama akiondoka katika klabu hiyo majira ya kiangazi mwakani. 

 

Mkataba wa miaka mitatu wa Guardiola kwa mabingwa hao wa Ujerumani unatarajiwa kumalizika mwishoni mwa msimu huu na klabu hiyo inatarajiwa kutangaza uamuzi wake kama ataendelea kubakia huko. 

 

Kocha huyo wa zamani wa Barcelona amekuwa akihusishwa kwa karibu na tetesi kwenda Ligi Kuu huku Manchester City na Manchester United zikitajwa kumuwania. 

 

Lakini taarifa zilizotolea hivi karibuni na vyombo vya habari vya Hispania zimedai kuwa Madrid imetuma watu wake kuona kama Guardiola atapenda kutua Santiago Bernabeu. 

 

Akiulizwa kuhusu suala hilo, Guardiola alikanusha na kuongeza kuwa hadhani kama anaweza kuendana na klabu hiyo.