Mabingwa wa Afrika mashariki na kati Azam FC leo wamerejea kilelni mwa ligi kuu ya vodacom huku wakisubiri wapinzani wao hapo kesho Yanga sc kama watafanikiwa kuwashusha au la.
Azam FC leo walikwa wageni wa Mgambo JKT katika uwanja wa CCM Mkwakwani ambapo mpaka dakika 90 zikimalizika Azam FC walikuwa mbele kwa goli 2-1.
Katika Mchezo huo Mgambo JKT ndio walikuwa wa mwanzo kupata goli kupitia kwa Boly Shaibu katika dakika ya 13 ya Mchezo.
Azam FC ambao waliuwanza mchezo taratibu waliongeza kasi ya mchezo baada ya kuruhusu goli hilo lililodumu kwa dakika 10.
Beki Shomari Kapombe aliisawazishia Azam FC katika dakika ya 23 akimalizia mpira uliotemwa na kipa wa JKT Mgambo baada ya shuti la John Bocco.
Kapombe aliiandikia Azam FC goli la pili katika dakika ya 37 akimalizia pasi ya John Bocco na kuipa ushindi wa goli 2-1 Azam FC katika uwanja huo wa Mkwakwani.
Katika mchezo mwingiene uliochezwa katika uwanja wa Kambarage mkoani Shinyanga wenyeji Stand united wameibuka na ushindi wa goli 2-1.
Magoli ya Stand united katika mchezo huo yakifungwa na Vitaras Mayanga na Selemani Kassim Selembe, huku la Toto Africans likifungwa na Miraji Makka.
Kule jijini Dar es salaam
Simba SC leo wamefanikiwa kupata ushindi wa tatu mfululizo katika ligi kuu ya vodacom baada ya kuwachapa JKT Ruvu goli 2-0 katika mchezo uliochezwa katika uwanja wa Taifa hii leo.
Mchezo huo wa ligi kuu ya vodacom ulishuhudia timu zote zikienda mapumziko wakiwa sare ya bila kufungana huku kila upande wakishambuliana kwa zamu.
Kipindi cha pili kiliendelea kuwa na mashambuli ya kushtukiza kwa kila upande na kila timu ikicheza kwa tahadhari.
Alikuwa Hamisi Kiiza aliyefungua ukurasa wa mabao hii leo baada ya kuifungia Simba SC goli la 10 msimu huu, likiwa ni goli la kwanza katika mchezo huo likifungwa kwa mkwaju wa penati baada ya Danny Lyanga kuangusha katika eneo la hatari katika dakika ya 52.
Goli hilo la Kiiza linamfanya amfikie Amisi Tambwe mwenye magoli 10 katika msimamo wa orodha ya wafungaji bora wao wakiwa kileleni wakifuatwa kwa karibu na Elius Maguli mwenye magoli 9.
Danny Lyanga aliiandikia Simba SC goli la pili katika dakika ya 61 na kupelekea mchezo kumalizika kwa Simba SC kuibuka na ushindi wa goli 2-0 mbele ya vijana hao wa JKT Ruvu wanao nolewa na Abdallah Kibadeni.
Kikosi cha Simba SC kilikuwa; Vincent Angban, Emery Nimubona, Mohammed Hussein ‘Tshabalala’/Abdi Banda dk45, Hassan Isihaka, Juuko Murushid, Justice Majabvi, Mwinyi Kazimoto, Jonas Mkude, Hamisi Kiiza, Daniel Lyanga/Raphael Kiongera dk69 na Peter Mwalyanzi/Hassan Kessy dk46.
JKT Ruvu; Hamisi Seif, Michael Aidan, Paul Mwidivi, Sesil Efrem, Nurdin Mohammed, Naftari Nashon, Hassan Dilungha, Issa Ngao/Amos Mgisa dk56, Samuel Kamuntu/Saad Kipanga dk81, Hamisi Thabit/Najim Magulu dk66 na Mussa Said.
Matokeo yote ya Mechi ya leo 2016-01-20
| FT | NDANDA FC | 4 | : | 1 | MBEYA CITY |
| FT | T.PRISONS | 2 | : | 1 | COASTAL UNION |
| FT | JKT RUVU | 0 | : | 2 | SIMBA SC |
| FT | STAND UNITED | 2 | : | 1 | TOTO AFRICANS |
| FT | MGAMBO JKT | 1 | : | 2 | Azam FC |
Hakuna maoni:
Chapisha Maoni