KWA MARA YA KWANZA SIMBA YACHEZEA KICHAPO VPL, YANGA HAO MLANGONI......

Leo kwenye mwendelezo wamechi za Ligi Kuu Tanzania Bara jumla ya mechi sita zimechezwa kwenye viwanja tofauti huku macho na masikio ya wengi yakiwa kwenye mechi tatu za vigogo Simba, Yanga na Azam.

Yanga wameweza kupata ushindi wa bao 1-0 dhidi ya wenyeji Prison katika mchezo uliochezwa kwenye uwanja wa Sokoine, Mbeya.

 

Prisons itabidi wajilaumu wenyewe baada ya kuwa wa kwanza kupata penati lakini wakashindwa kuitumia baada ya kipa wa Yanga Benno Kakolanya kuipangua na kuokolewa na mabeki wa Yanga.

 

Simon Msuva aliifungia Yanga bao la pekee na la ushindi kwa njia ya penati mnamo dakika ya 73 baada ya Obrey Chirwa kuangushwa ndani ya eneo la hatari.

 

 

 

Katika dimba la Uhuru, vinara Simba wamepoteza rekodi yao ya kutopoteza mchezo msimu huu baada ya kukubali kipigo cha bao 1-0 kutoka kwa African Lyon.

 

 

 

 

Abdallah Mguhi alikuwa shujaa wa African Lyon kwa bao lake la dakika ya mwisho kabisa ya muda wa nyongeza ambalo limewapunguza Simba kasi.

 

 

Katika uwanja wa CCM Kirumba, wenyeji Mbao wameondoka na pointi tatu baada ya kuwachapa Azam kwa mabao 2-1.

 

Mabao ya washindi yalifungwa na Venance Ludovic dakika ya 30 na Boniphace Maganga dakika ya 50 huku lile la kufutia machozi la Azam likifungwa na Francesco Zekumbawira dakika ya 67.

 

Matokeo kwenye mechi zingine ni JKT Ruvu imetoka sare ya mabao 1-1 na Toto africans, wakati Nanda imeichapa Stand United 2-1 na Kagera Sugar ikiwatandika Ruvu shooting 3-1