CHELSEA YAIZODOA ARSENAL KUHUSU CECH.

KLABU ya Chelsea imeitaarifu Arsenal kuwa hawatarajii kuwauzia golikipa wao Petr Cech katika kipindi cha majira ya kiangazi. Arsenal imekuwa ikitafuta golikipa mpya na kumuangazia Cech ambaye anategemewa kuondoka majira ya kiangazi baada ya kupoteza namba katika kikosi cha kwanza cha Chelsea mbele ya Thibaut Courtois msimu huu. Hata hivyo, Chelsea hawataki kuwauzia Arsenal golikipa huyo kwa hofu ya kuwaimarisha mahasimu wao hao msimu ujao wa Ligi Kuu. Pamoja na taarifa hizo Arsenal itajaribu kutuma ofa ya euro milioni 14 kujaribu kumsajili golikipa huyo ingawa wanajua itakuwa ngumu kumpeleka Emirates. Chelsea wameshakubali kuwa Cech anataka kuondoka na kutafuta timu atakayopata nafasi ya kucheza lakini wako radhi kumuuza nje ya Uingereza huku Paris Saint-Germain ikiwa miongoni mwa vilabu vinavyotajwa kumtaka golikipa huyo mwenye umri wa miaka 32