ARSENAL KUMTAMBULISHA KARIM BENZEMA KWENYE MCHEZO DHIDI YA LIVERPOOL........

Arsenal kumtambulisha Karim Benzema kabla  ya mchezo wa ligi kuu dhidi ya Liverpool utakaopigwa siku ya jumatatu katika uwanja wa Emirates.

 Taarifa hii ni  kwa mujibu  wa mwandishi wa gazeti la michezo nchini Italia la Gazzetta dello sport aitwaye Emanuele Giulianelli.

 Mwandishi huyo anaamini  Benzema atafanyiwa vipimo vya afya  mapema siku ya jumatatu kabla ya kutambulishwa usiku mbele ya mashabiki wa Arsenal kwenye mchezo dhidi ya Liverpool

Giulianelli ameandika kwenye ukurasa wake wa Twitter kuwa "Arsenal wamekodi ndege binafsi itakayo safiri kwenda kumchukua Benzema siku ya Jumapili jioni"

"Atafanya vipimo jumatatu mchana kabla  ya kutambulishwa baadae kwenye mchezo dhidi ya Liverpool" alimaliza Giulianelli.

Taarifa hii imekuja baada ya siku moja kupita ambapo mshambuliaji wa zamani wa Qpr na Fulham Rodney Marsh kudai kuwa Real Madrid wamekubali kumuuza Benzema kwenda Arsenal kwa ada  inayodhaniwa  kuwa ni paundi milioni 48.