Tyson Fury anakabiliwa na mtihani
mgumu baada ya kudai kuwa atauwekea kikomo utawala wa miaka minne wa Wladmir
Klitschko kama bingwa wa ulimwengu bila kupingwa wa uzani wa heavyweight.
Mabondia
hao wawili watapanda ulingoni mjini Düsseldorf Ujerumani kwa pigano la taji la
ulimwengu.
Muingereza
huyo mwenye umri wa miaka 27 hajashindwa katika mapigano 24 huku akishinda 18
kwa njia ya knockout, na anakutana na bingwa aliye na uzoefu mkubwa,
anayemshinda umri kwa miaka 12 na anayeshikilia mikanda ya WBA, IBF, IBO na
WBO.
Fury
amesisitiza kabla ya pigano hilo kuwa atamnyamazisha Klitschko ulingoni
"Nini
kinanifanya nifikirie hilo?
Kwa sababu mimi ndiye kimbunga. Tyson ni
mwenye kasi na ghadhabu! Sijawahi kushindwa na sitashindwa leo usiku.
Hiyo ni
kwa sababu wapinzani wote wa nyuma walikuja hapa Ujerumani wakiamini kuwa
watashindwa. Walikuwa hapa kwa ajili ya pesa. Pesa sio motisha yangu. Kushinda
ndio motisha yangu. Na naamini kutoka moyoni kuwa nitashinda pigano hili. Na
sio kushinda tu, nitashinda kwa mtindo wa aina yake. na nitaimba wimbo ili
kusherehekea ushindi huo"
Klitschko
mwenye umri wa miaka 39, aliwahi kushindwa mara tatu zaidi ya mwongo mmoja
uliopita na anapanga kumfanya Fury kuwa ushindi wake wa 54 kwa njia a knock put
na wake wa 65 katika taluma yake. "Ulingoni nitatarajia kila kitu kutoka
kwa Tyson Fury. Ameonyesha kuwa anajiamini sana, anataka kuwa bingwa wa
ulimwengu, anataka kunirambisha sakafu na wengine wanaamini hilo. Ninaamini
Tyson Fury atakuwa hatari sana".
Pigano
hilo awali lilipangwa kuandaliwa Oktoba lakini likaharishwa kutokana na maumivu
ya nyonga aliyopata Klitschko ambayo sasa yamepoa.
Pambano hilo
linapigwa alfajiri ya leo Afrika Mashariki pale Dusseldorf nchini Ujerumani takribani watazamaji 55,000 watashuhudia katika uwanja huo.
 |
| KLITSCHKO |
 |
| TYSON |
Klitschko mwenye umri wa miaka 39 amekuwa bingwa wa dunia katika
uzani huo tangu mwaka 2006,akiwa amepigana mapigano 27 na kufanikiwa
kuyatetea mataji yake mara 23.Atakuwa akitetea taji lake la WBA ,IBF na WBO dhidi ya raia wa Uingereza Tyson Fury.
Hakuna maoni:
Chapisha Maoni