STURRIDGE MAJANGA TENA.

MSHAMBULIAJI wa Liverpool, Daniel Sturridge anatarajiwa kukaa nje ya uwanja kwa wiki kadhaa baada ya kupata majeruhi ya msuli wa paja wakati wa mchezo wa Ligi Kuu dhidi ya Newcastle United Jumapili hii. 

 

Sturridge alihisi kuwa na tatizo hilo baada ya kuingia uwanjani akitokea benchi katika kipindi cha pili cha mchezo huo uliofanyika katika Uwanja wa St. James Park na vipimo kuonyesha majeruhi hayo. 

 

Nyota huyo mwenye umri wa miaka 26, ndio kwanza alikuwa amerejea kutoka katika majeruhi ya muda mrefu aliyokuwa yakimsumbua ya goti na mguu. 

 

Sturridge amecheza mechi sita pekee msimu huu huku akifunga mabao manne. Katika kipindi cha karibu Sturridge amekuwa kisumbuliwa na majeruhi ya mara kwa mara, ambapo msimu uliopita alicheza mechi 18 pekee.