WEKUNDU WA MSIMBAZI WAISAMBARATISHA PRISONS...........

 

BAO pekee la kiungo Awadh Juma Issa  limeizidi kuisogeza Simba SC jiani na ubingwa wa Ligi Kuu ya Vodacom Tanzania Bara kufuatia ushindi wa 1-0 dhidi ya Prisons jioni ya leo Uwanja wa Taifa, Dar es Salaam.

 

Awadh Juma (katikati) akisujudu baada ya kupachika bao lililoipa Simba ushindi

 

 

Awadh alifunga bao hilo dakika ya 86 kwa shuti la mita 19 na ushei akimalizia pasi ya kiungo Jonas Gerald Mkude, baada ya kuingia kutokea benchi kuchukua nafasi ya kiungo Mzimbabwe, Justice Majabvi.
  Na Wekundu wa Msimbazi sasa wanafikisha pointi 54 baada ya kucheza mechi 23 wakiwazidi pointi nne, mabingwa watetezi, Yanga SC walio nafasi ya pili, lakini wamecheza mechi pungufu, 21. Azam FC yenye pointi 47 za mechi 20 ni ya tatu.
  Simba SC walimiliki zaidi mpira na kutengeneza nafasi nyingi, lakini ikawa vigumu tu kutumbukizwa mpira nyavuni, wakati Prisons waliocheza kwa kujihami zaidi hawakulifikia mara nyingi lango la wenyeji wao.
  Ushindi huo ni kisasi kwa Simba baada ya kufungwa 1-0 na Prisons katika mchezo wa kwanza wa Ligi Kuu msimu huu Uwanja wa Sokoine mjini Mbeya.

 
  Mchezo mwingine wa Ligi Kuu leo, Mgambo JKT imelazimishwa sare ya kufungana bao 1-1 na Mwadui FC ya SHinyanga Uwanja wa Mkwakwani, Tanga, wakati jana Mtibwa Sugar imeifunga 2-1 JKT Ruvu Uwanja wa Manungu, Turiani, Morogoro.

  Kikosi cha Simba SC kilikuwa: Vincent Angban, Hassan Kessy, Mohammed Hussein, Novaty Lufunga, Juuko Murshid, Justice Majabvi/Awadh Juma, Mwinyi Kazimoto, Jonas Mkude, Ibrahim Ajibu, Hamisi Kiiza/Paul Kiongera dk83 na Mussa Mgosi/Daniel Lyanga dk46.

  Prisons: Beno Kakolanya, Salum Kimenya, James Mwasota, Lugano Mwangama, Laurian Mpalile, Jumanne Elfadhil, Lambarti Sabiyanka, Juma Seif ‘Kijiko’/Freddy Chudu dk60, Mohamed Mkopi, Jeremiah Juma/Meshack Suleiman na Benjamin Asukile.

Mechi za leo 2016-03-13

FT	MAJIMAJI	1	:	0	STAND UNITED
FT	KAGERA SUGAR	4	:	0	COASTAL UNION
FT	SIMBA SC	1	:	0	T.PRISONS
FT	MGAMBO JKT	1	:	1	MWADUI FC

MICHEZO INAYOKUJA
2016-03-14

16:00

AFRICAN SPORT

Vs

MBEYA CITY

………………….

Msimamo wa Ligi Kuu Msimu Huu

Rn	Timu	P	W	D	L	F	A	Gd	Pts
1	SIMBA SC	23	17	3	3	41	13	28	54
2	YANGA	21	15	5	1	51	11	40	50
3	Azam FC	20	14	5	1	36	13	23	47
4	MTIBWA SUGAR	21	11	6	4	26	14	12	39
5	T. PRISONS	23	9	9	5	21	20	1	36
6	MWADUI FC	23	9	7	7	22	19	3	34
7	STAND UNITED	22	9	3	10	19	20	-1	30
8	NDANDA FC	22	5	9	8	19	23	-4	24
9	MBEYA CITY	22	6	6	10	22	28	-6	24
10	MAJIMAJI FC	23	6	6	11	13	32	-19	24
11	TOTO AFRICANS	22	5	8	9	19	30	-11	23
12	KAGERA SUGAR	23	5	7	11	17	25	-8	22
13	JKT RUVU	23	5	6	12	23	33	-10	21
14	MGAMBO SHOOTING	23	4	8	11	18	28	-10	20
15	Coastal Union	23	4	7	12	15	29	-14	19
16	AFRICAN SPORT	22	4	5	13	7	26	-19	17